मनहरीलाई फुटसल उपाधि

हेटौंडा-मोवाइल एशोसिएसन अफ नेपाल मकवानपुरको आयोजनामा भएको अन्तरमोवाइल व्यवसायी फुटसल प्रतियोगिता भएको छ । मकवानपुरगढी गाउँपालिका–३ मा अवस्थित मक्रान्चुली फुटसल खेलमैदानमा सञ्चालित प्रतियोगितामा ६ वटा टिम सहभागी रहेको थियो ।प्रतियोगितामा मनहरी टिमले उपाधि हात पारेको छ । अंक आधारमा खेलाइएको प्रतियोगिताको फाइनल खेल मनहरी र त्रिखण्डीबीच भएको थियो । खेलमा ४–३ गोल अन्तरले मनहरी विजयी भएको थियो । विजेतासँगै मनहरीले नगद १० हजार सहित र ट्रफि प्राप्त गरेको छ । उपविजेता बनेको त्रिखण्डीले नगद पाँच हजार र ट्रफि प्राप्त गरेको कार्यक्रम संयोजक एसिस रिजालले बताए ।

सोही अवसरमा उत्कृष्ट खेलाडी, उत्कृष्ट गोलरक्षक, उत्कृष्ट अनुशासित खेलाडी, सबैभन्दा धेरै गोलगर्ने खेलाडीलाई समेत पुरस्कृत गरिएको थियो । म्यान मकवानपुरका अध्यक्ष नवराज चौलागाईको सभाध्यक्षता तथा हेटौंडा उपमहानगरउपप्रमुख राजेश बानियाँको प्रमुख आतिथ्यतामा कार्यक्रम भएको थियो । कार्यक्रममा नगर खेलकुल विकास समितिका अध्यक्ष रवीन्द्र घिमिरे, मउवा संघका वरिष्ठ उपाध्यक्ष अनिल अग्रवाल, उपाध्यक्ष प्रमोदसिं रानाभाट, सदस्यद्वय तेजप्रसाद अधिकारी र नेत्रप्रसाद खतिवडा, नेपाल मोवाइल व्यवसायी संघ बागमती प्रदेश अध्यक्ष एसीस रिजाल, निवर्तमान अध्यक्ष दिनेश लामालगायतको आतिथ्यता रहेको थियो ।म्यान मकवानपुरको वार्षिक कार्ययोजनाअनुरुप फुटसल प्रतियोगिताको आयोजना गरिएको अध्यक्ष चौलागाईले बताए । व्यवसायीलाई स्वस्थ्य राख्न खेल प्रतियोगिताले पनि हुने भएकाले मनोरञ्जनका साथै मैत्रीपूर्ण खेलले थप आत्मियता बनाउने उनले बताए ।