हुप्रचौरमा महिला क्रिकेट महोत्सव
हेटौंडा-हेटौंडा उपमहानगरपालिका–४, स्थित हुप्रचौरमा मंगलबारबाट महिला क्रिकेट महोत्सव सुरु भएको छ । महोत्सवको आयोजना क्रिकेट संघ मकवानपुरले गरेको हो । संघले क्रिकेटमा महिलालाई आकर्षण र प्रोत्साहन गर्ने उद्देश्यले महोत्सव आयोजना गरेको जनाएको छ । दुई दिनसम्म सञ्चालन हुने महोत्सवमा क्रिकेटमा छात्राको चाहना बढाउने, खेलबारे जानकारी दिने र आवश्यक प्रशिक्षणसमेत गराउने कार्यक्रम रहेको संघका सचिव विनोदकुमार बानियाँले बताए ।
महोत्सवमा हेटौंडा उपमहानगरपालिकाभित्रका ७ र मकवानपुरगढी गाउँपालिकाको १ गरी ८ विद्यालयका टिम सहभागी रहेको महिला क्रिकेट महोत्सवका कार्यक्रम संयोजक प्रेम क्षेत्रीले जानकारी दिए । सहभागी टोलीलाई ६ ओभरको खेल खेलाइएको छ ।
