नेपाली कांग्रेस बागमती प्रदेशको प्रथम अधिवेशन उद्घाटन
मुलुक संघीय संरचनामा गएपछि कांग्रेसले पहिलोपटक प्रदेश अधिवेशन उद्घाटन गरेको छ । नेपाली कांग्रेस बागमती प्रदेशको प्रथम अधिवेशन प्रदेशको राजधानी हेटौंडाको वन विज्ञान खेल मैदानमा बिहीबारबाट सुरु भएको हो।
नेपाली कांग्रेस बागमती प्रदेश संयोजक तथा पुर्व उप–सभापति प्रकाशमान सिंहको सभाध्यक्षतामा भएको उदघाटनलाई नेपाली कांग्रेसका सभापति तथा प्रधानमन्त्री शेरबहादुर देउवाले भर्चुअल माध्यमबाट उदघाटन सहित अधिवेशन सुरुवात भएको घोषणा गरेका थिए।
