भिल्लारियल च्याम्पियन्स लिग फुटबलको अन्तिम १६ मा
काठमाडौं – स्पेनिस क्लब भिल्लारियल च्याम्पियन्स लिग फुटबलको अन्तिम १६ मा स्थान बनाउन सफल भएको छ। बिहीबार राति भएको खेलमा इटालियन क्लब एटलान्टालाई उसकै मैदानमा ३(२ ले पराजित गर्दै भिल्लारियल समूह ‘एफ’ को उपविजेताको रुपमा नकआउटमा स्थान बनाएको हो।
भिल्लारियलको जितमा अर्नाउट डानजुमादेले दुई तथा इटिन कापोइले एक गोल गरे। पराजित एटलान्टाका रुस्लान मालिनोभ्स्की र डुभान जापटाले गोल गरे। यसै समूहबाट म्यानचेष्टर युनाइटेडले विजेताको रुपमा अघिल्लो चरणमा स्थान बनाएको छ।
