बागमती प्रदेशका नवनियुक्त मन्त्री र राजयमन्त्रीले लिए शपथ
हेटौंडा – बागमती प्रदेशका नवनियुक्त मन्त्री र राज्यमन्त्रीले शपथ लिएका छन्। प्रदेश प्रमुख यादव शर्माले तीन मन्त्रीहरू तथा मुख्यमन्त्री राजेन्द्र पाण्डेले तीन राज्यमन्त्रीहरूलाई शुक्रबार बेलुका शपथ ग्रहण गराएका छन्।मुख्यमन्त्री राजेन्द्र पाण्डेले नेपाली कांग्रेसबाट तीन जना मन्त्री र तीन जना राज्यमन्त्री नियुक्त गर्दै चौथोपटक मन्त्रिपरिषद् विस्तार गरेका हुन्। आज थपिएका मन्त्रीहरूमा उद्योग, वाणिज्य तथा आपूर्ति मन्त्री मिलनबाबु श्रेष्ठ, संस्कृति तथा पर्यटन मन्त्री दीपेन्द्र श्रेष्ठ र भूमि व्यवस्था, सहकारी तथा गरिबी निवारण मन्त्री बलराम पौडेल छन्। यस्तै, राज्यमन्त्रीहरूमा भौतिक पूर्वाधार विकास राज्यमन्त्री सन्तबहादुर प्रजा, स्वास्थ्य राज्यमन्त्री कल्पना नेपाली, उद्योग, वाणिज्य तथा आपूर्ति राज्यमन्त्री रजनी अमात्य छन्।
