रुपचन्द्रको जन्मोत्सवमा गोल्डकप

हेटौंडा-मकवानपुरको उत्तरी क्षेत्र थाहा नगरपालिकाको आयोजनामा तेस्रो थाहा गोल्डकप फुटबल प्रतियोगिता यहि पुस  २६ गते रुपचन्द्र बिष्टको जन्मोत्सवको दिनदेखि आयोजना हुने भएको छ ।  थाहा नगरको इन्द्रायणी चौरमा आयोजना हुने प्रतियोगिताको लागि टिम दर्ता खुल्ला गरिएको  छ । प्रतियोगितामा सहभागी हुने टिमले दर्ता शुल्क ८ हजार र कार्ड डिपोजिट शुल्क २ हजार तोकिएको प्रतियोगिताको संयोजक सुमन बिष्टले जानकारी दिए ।  प्रतियोगिता मा प्रथम हुने टिमले नगद १ लाख शिल्ड मेडल र प्रमाणपत्र पाउनेछन भने उपबिजेताले ५० हजार सहित मेडल प्रमाणपत्र प्राप्त गर्ने छन ।