जिल्ला स्तरीय पुरुष भलिबल आजबाट
हेटौंडा-मकवानपुरगढीमा हुने जिल्ला स्तरीय रनिङ शिल्ड पुरुष भलिवल प्रतियोगिताको तयारी अन्तिम भएको छ । आमभञ्ज्याङ युवा क्लब मकवानपुरगढी ५ को आयोजनामा प्रतियोगिता हुन लागेको हो । आज बुधबार १४ गते उद्घाटन गरी खेल प्रतियोगिता हुने खेल कार्यक्रम संयोजक इन्द्रप्रसाद सञ्जेलले बताए । प्रतियोगितामा १२ वटा टिम दर्ता भएको र उद्घाटन खेल कैलाश गाउँपालिका र बज्रबाराही क्लबबीच हुने उनले बताए ।
प्रतियोगितालाई गाउँपालिकाका अध्यक्ष विदुर हुमागाईले उद्घाटन गर्ने कार्यक्रम तय रहेको जनाइएको छ । प्रतियोगितामा प्रथम हुनेले ६६ हजार ६६६ नगद सहित शिल्ड, मेडल र प्रमाणपत्र र द्धितिय हुनेले ३३ हजार ३३३ नगद सहित शिल्ड, मेडल र प्रमाणपत्र प्रदान गरिने क्लबका अध्यक्ष राजेश अधिकारीले बताए । प्रतियोगितामा तृतीय हुनेले १५ हजार सहित शिल्ड, मेडल र प्रमाणपत्र र सान्त्वना हुनेले ५ हजार नगद सहित प्रमाणपत्र प्रदान गरिने जनाइएको छ । प्रतियोगितालाई मकवानपुरगढी गाउँपालिकाले प्रायोजन गरेको छ । प्रतियोगितामा उत्कृष्ट खेलाडीलाई ५ हजार, वेष्ट स्पाइकरलाई २ हजार, वेष्ट सेटरलाई २ हजार, वेष्ट ब्लकरलाई २ हजार र अनुशासित टिमलाई ३ हजार पुरस्कार रहेको आयोजकले जनाएको छ ।
