मकवानपुरलाई प्रदेश महिला फुटबलको उपाधि

हेटौंडा- प्रथम बागमती प्रदेश खेलकुद प्रतियोगता अन्तर्गत् महिला फुटबलको उपाधि मकवानपुरले जितेको छ ।शनिबार सम्पन्न खेलमा धादिङलाई १–० गोलले पराजित गर्दै मकवानपुरले महिला फुटबलको उपाधि उचालेको हो । प्रतियोगिता अन्तर्गत् भएको फाइनल खेलमा पहिलोपटक उपाधि जित्न सफल भएको हो । निकै प्रतिस्पर्धात्मक बनेको फाइनल खेलको पहिलो र दोस्रो हाफमा दुबै टोलीले गोल गर्न सकेनन् । दोस्रो हाफको इन्जुरी समयमा गोल गर्दै मकवानपुरले उपाधि जितेको हो । मकवानपुरका लागि सञ्जिता बोम्जनले गोल गरिन् । उनले खेलको इन्जुरी समयमा गरेको गोल उपाधि जित्न निर्णायक बन्यो । सञ्जिता म्यानअफ द म्याच घोषित भइन् । पुरुष फुटबलको उपाधि पनि मकवानपुरले नै जितेको थियो ।