मकवानपुर मेयर कप क्रिकेटको फाइनलमा
हेटौंडा- मकवानपुर क्रिकेट टिम चितवनमा जारी त्रिपक्षीय एक दिवसीय भरतपुर मेयर क्रिकेट कपको फाइनल प्रवेश गरेको छ ।मकवानपुरले बुधवार घरेलु टोली चितवनलाइ ४४ रनले पराजित गर्दै उपाधिनजिक पुगेको हो । टस जितेर ब्याटिङ गरेको मकवानपुरले ४१ दशमलब १ ओभरमा सबै विकेट गुमाएर दुईसय २१ रन जोडेको थियो ।
मकवानपुरका ब्याट्सम्यान शुभ कंशकारले ४१, विशाल फुयाँलले ३६, आकाश घिमिरेले ३१ र कप्तान रामनरेश गिरीले २५ रन बनाएका थिए । चितवनका गौतम केसीले सर्वाधिक ३ विकेट लिए । चितवन ३३ दशमलव ४ ओभरमा एक सय ७७ रन बनाएर अलआउट भएको थियो । मकवानपुरका बलर रिजन ढकालले ३ र रामनरेश गिरी, अशिम श्रेष्ठ र विपुल खनालले समान २–२ विकेट लिएका थिए । खेलमा मकवानपुरका कप्तान गिरी प्लेयर अफ दी म्याच चुनिएका छन् । मकवानपुरले मंगलबार नवलपुरलाई हराउँदै सेमिफाइनल यात्रा तय गरेको थियो ।
