‘सुशासन तथा समृद्घिको पथमा अघि बढ्न दिवसले सबैलाई प्रेरित गरोस्’
मकवानपुर–बागमती प्रदेशका प्रदेश प्रमुख यादवचन्द्र शर्माले सोमबार मनाइँदै गरिएको १७ औं लोकतन्त्र दिवसको अवसरमा शुभकामना व्यक्त गरेका छन् । स्वदेश तथा विदेशमा रहेका सम्पूर्ण नेपाली दाजुभाई तथा दिदीबहिनीहरुमा शुभकामना व्यक्त गर्दै प्रदेश प्रमुख शर्माले देश र जनतालाई सर्वोपरी ठानी लोकतन्त्रलाई दिगो र दरिलो बनाउँदै विकास, स्थिरता,सुशासन तथा समृद्घिको पथमा अघि बढ्न यो दिवसले सबैलाई प्रेरित गरोस् भन्ने कामना गरेका छन् ।
शुभकामना सन्देशमा शर्माले लोकतन्त्र स्थापनाका लागि आफ्नो अमूल्य जीवन उत्सर्ग गर्ने शहीदहरुप्रति भावपूर्ण श्रद्घाञ्जली अर्पण गर्दै आफ्नो जीवनलाई लोकतान्त्रिक मुल्य, मान्यता, आदर्श र सिद्घान्तप्रति समर्पित सम्पूर्ण लोकतान्त्रिक योद्घाहरुप्रति उच्च सम्मान प्रकट गरेका छन् ।
शर्माले आफ्नो शुभकामना सन्देशमा २०६२÷०६३ को वसन्तक्रान्ति पश्चात् मुलुकमा लोकतान्त्रिक गणतन्त्र स्थापना भएको उल्लेख गरेका छन् । हामीले यसलाई गौरवपूर्ण र अविस्मरणीय दिनका रुपमा मनाउँने गरेको प्रमुख शर्माको सन्देशमा भनिएको छ । ‘यही बलिदानको जगमा खडा भएको संघीयता, गणतन्त्र, धर्मनिरपेक्षता र समानुपातिक समावेशितासहितको संविधान प्राप्त गरी अधिकार सम्पन्न नागरिक भएका छौं । यसर्थ पनि हामीले इतिहासप्रति सदैव गौरवबोध गर्नुपर्दछ ।
यो पनि पढ्नुहोस्
