चोरीको मोटरसाइकल सहित हेटौंडाबाट दुई जना पक्राउ
हेटौंडा-चोरीको मोटरसाइकल सहित हेटौंडाबाट मकवानपुर प्रहरीले दुई जनालाई पक्राउ गरेको छ । हेटौंडा उपमहानगरपालिका वडा नं.१५ स्थित रातोमाटेबाट चोरीको मोटरसाइकल सहित दुई जना पक्राउ गरिएको हो ।पक्राउ पर्नेमा बारा करहैयामाई नगरपालिका वडा नं. ७ बस्ने २४ वर्षीय अरविन्द चौधरी र सोही स्थानका २२ वर्षीय अर्जुन चौधरी रहेका छन् ।
प्रहरीचौकी रातोमाटेबाट खटिएको प्रहरी टोलीले बा.प्र.०६–०२ प २३४ नम्बरको चोरीको मोटरसाइकल सहित चौधरीद्वयलाई पक्राउ गरेको थियोे ।मोटरसाइकल चितवनबाट चोरी गरी ल्याएको अनुसन्धानबाट पत्ता लागेको जिल्ला प्रहरी कार्यालय मकवानपुरले जनाएको छ । उनीहरुलाई आवश्यक कारबाहीको लागि चोरीको मोटरसाइकल सहित दुबैलाई जिल्ला प्रहरी कार्यालय चितवनमा पठाइएको छ ।
