हेटौंडाका विद्यार्थीलाई छुट प्याकेजसहित आरम्भ कलेजको निम्ता
हेटौंडा-होटल म्यानेजमेन्टमा स्नातक तह अध्ययन गर्ने विद्यार्थीलाई एक लाखसम्मको छुट प्याकेजसहित चितवनको एक कलेजले हेटौंडाका विद्यार्थीलाई निम्ता दिएको छ ।हेटौंडामा सोमबार पत्रकार सम्मेलन गर्दै चितवनको भरतपुरमा पहिलोपटक सञ्चालित आरम्भ कलेजले प्रत्येक विद्यार्थीलाई छुट दिने प्याकेज ल्याएर अध्ययनका लागि निम्ता दिएको हो ।क्याम्पस प्रमुख सुरज शिवाकोटीले कलेजको स्थापना भएसँगै चितवन, मकवानपुर, नवलपुरका विद्यार्थीले उच्चशिक्षाका लागि काठमाडौं धाउनुपर्ने बाध्यात्मक अवस्थाको अन्त्य हुने गरी कलेज सञ्चालनमा ल्याएको बताए । उनले ४ वर्षे अध्ययन पछि विद्यार्थीलाई युरोपियन देशहरुमा रोजगारका लागि सहज वातावरण सिर्जना गर्ने बताउँदै क्यापसप्रमुख शिवाकोटीले पढ्दै कमाउँदै योजना रहेको बताए ।
विद्यार्थीलाई दिउँसको समयमा काम गर्ने वातावरण कलेजले बनाइदिने शिवाकोटीले बताएका छन् । उनले लामो समय कलेज सञ्चालनको अनुभव गरेका व्यक्तिको टिमबाट सञ्चालन गरिएको कलेजमा पहिलो वर्षमा भर्ना भएका प्रत्येक विद्यार्थीलाई १÷१ लाख बराबरको छात्रवृत्ति समेत प्रदान गरिने शिवाकोटीले बताए । सात लाख ५० हजारको प्याकेज हो हामी विद्यार्थीलाई प्याकेजमा एक लाख छात्रवृत्ति दिन्छौं, शिवाकोटीले भने । १३२ जनाको सिट रहेकाले सुरुमा भर्ना गर्ने १५ जनालाई पनि छुट्टैछुटको व्यवस्था रहेको बताएका छन् । देशकै जेठो त्रिभुवन विश्वविद्यालयबाट सम्बन्धन प्राप्त कलेजमा ब्याचलर इन होटल म्यानेजमेन्ट र ब्याचलर अफ इन्फर्मेसन म्यानेजमेन्ट अध्यापन हुने कलेजले जनाएको छ ।
