सरस्वती बालबोधनीमा स्कूल बस, शिक्षक र विद्यार्थीलाई सम्मान
हेटौंडा- जिल्लाको उत्तरी क्षेत्रस्थित इन्द्रसरोवर गाउँपालिकाको मार्खुमा रहेको सरस्वती बालबोधनी माविमा विद्यालय बस सेवा सुरु भएको छ ।विद्यालयले बस सेवा उद्घाटन कार्यक्रमकै अबसरमा २०७९ सालको एसइइमा उत्कृष्ट नतिजा ल्याउने विद्यार्र्थी र अब्बल विद्यार्थी उत्पादनमा भूमिका खेल्ने शिक्षकलाई सम्मान गरेको छ । बागमती प्रदेश सामाजिक विकास मन्त्रालयको सहयोगमा विद्यालयलाई प्राप्त बस सेवाको सामाजिक विकास मन्त्री कुमारी मोक्तानले उद्घाटन गरेकी हुन् ।
विद्यालय व्यवस्थापन समितिका अध्यक्ष सानु लामाको सभाध्यक्षतामा भएको कार्यक्रममा २०७९ सालको एसइइमा उत्कृष्ट नतिजा ल्याउने विद्यार्र्थीलाई पुरस्कृत गरिएको थियो ।कार्यक्रममा इन्द्रसरोवर गाउँपालिका अध्यक्ष देवकृष्ण पुडासैनीको विशेष आतिथ्यता रहेको थियो । पालिका उपाध्यक्ष उमाकुमारी लामा, शिक्षा विकास तथा समन्वय ईकाई मकवापुर प्रमुख दिनानाथ गौतम, ईन्द्रसरोवरका प्रमुख प्रशासकीय अधिकृत प्रल्हाद कार्कीलगायतको आतिथ्यता रहेको थियो ।
