असोज अन्तिममा साइकल रन प्रतियोगिता गरिने
हेटौंडा- बागमती प्रदेशको राजधानी हेटौंडामा यही असोज २७ गते शनिबार दोस्रो संस्करणको साइकल रन प्रतियोगिता हुने भएको छ ।वडा दशैँ, शुभदीपावली तथा छठ पर्वको अवसरमा हेटौंडा उपमहानगरपालिकाको आयोजना र मकवानपुर जिल्ला साईक्लिङ संघको समन्वयमा प्रतियोगिता हुने भएको हो । २५ किलोमिटरको दूरी पार गर्नुपर्ने प्रतियोगितामा १६ वर्ष पूरा भई ६० वर्ष उमेर समूहका नागरिकले सहभागिता जनाउन पाउने संघका अध्यक्ष संगीत श्रेष्ठले जानकारी दिए ।
उनका अनुसार, प्रतियोगिता असोज २७ गते बिहान ७ बजे हेटौंडा–४ हुप्रचौरबाट सुरु हुनेछ । प्रतियोगितामा प्रथम हुनेले ५० हजार रुपैयाँ, द्वितीय हुनेले ३० हजार रुपैयाँ र तृतीय हुनेले २० हजार रुपैयाँ प्राप्त गर्नेछन् । साथै प्रोत्साहन पुरस्कारस्वरुप दुई जनालाई १०–१० हजार रुपैयाँ प्रदान गरिने संघका अध्यक्ष श्रेष्ठले बताए ।
यो पनि पढ्नुहोस्
