शिवम् सिमेन्ट्सद्वारा विद्यालय बस र झोला सहयोग
हेटौंडा- शिवम् सिमेन्ट्स लिमिटेडले मकवानपुर र चितवनका एक–एक वटा विद्यालयलाई स्कुल बस र विद्यार्थीलाई स्कूल ब्याग (झोला) सहयोग गरेको छ ।शिवम्ले हेटौंडा उपमहानगरपालिका–१७, हटिया मकवानपुरस्थित लक्ष्मी आधारभूत विद्यालयलाई स्कुल बस तथा भरतपुर–१५, मंगलपुर चितवनस्थित विश्वप्रकाश माध्यमिक विद्यालयमा अध्ययनरत विद्यार्थीको लागि स्कुल ब्याग वितरण गरेको छ ।
शिवम् सिमेन्ट्सले आफ्नो सामाजिक उत्तरदायित्व अन्तर्गत स्कुल बस तथा स्कुल ब्यागहरु वितरण गरेको हो । उद्योग तथा खानी क्षेत्रका विद्यालयमा अध्ययनरत विद्यार्थीलाई विगतका वर्षमा पनि विभिन्न शैक्षिक सामग्री वितरण, छात्रवृत्ति कोषको स्थापना तथा न्यानो कपडा वितरण जस्ता कार्य गर्दै आइरहेको छ ।
सन् २००९ मा नेपालका केन्द्र भाग हेटौंडामा स्थापित यो उद्योगले अत्याधुनिक जर्मन प्रविधियुक्त प्लान्टबाट आफ्नै चुनढुँगाको प्रयोग गरी उच्चगुणस्तरको क्लिंकर र शिवम् सिमेन्ट तथा शिवम् प्लस सिमेन्ट उत्पादन तथा बिक्री गर्दै आएको छ ।
