शैक्षिक अन्तरक्रियासँगै नेतृत्व विकास तालिम
हेटौंडा- नेपाल शिक्षक संघ मकवानपुरको आयोजनामा अन्तरक्रिया तथा नेतृत्व विकास तालिम हेटौंडामा भएको छ । नेपाल शिक्षक संघमा आवद्ध रहेका मकवानपुरका १० वटै स्थानीय तहका पदाधिकारी तथा सदस्यहरुका लागि तालिम दिइएको हो ।राष्ट्रियस्तरका प्रशिक्षकको सहजीकरणमा शिक्षक संघका मकवानपुर जिल्ला तथा स्थानीय तहका पदाधिकारी एवम् सदस्यका लागि शैक्षिक अन्तरक्रिया तथा नेतृत्व विकास तालिम दिइएको शिक्षक संघ मकवानपुरका अध्यक्ष गणेश प्रसाद हुमागाईंले बताए ।
एकदिने तालिममा नेपाल शिक्षक संघका निवर्तमान केन्द्रीय बरिष्ठ उपाध्यक्ष एमपी भुसालले प्रशिक्षण दिएका थिए । कार्यक्रमको उद्घाटन नेपाली कांग्रेस बागमती प्रदेशका सभापति इन्द्रबहादुर बानियाँको प्रमुख आतिथ्यतामा भएको हो ।कार्यक्रममा नेपाली कांग्रेस मकवानपुरका सभापति बुद्ध लामा, शिक्षकसंघ बागमती प्रदेशका अध्यक्ष दीपक सिंखडा, केन्द्रीय सदस्य रामकुमार अधिकारीलगायतको आतिथ्यता रहेको थियो । कार्यक्रम शिक्षक संघ मकवानपुरका अध्यक्ष हुमागाईको अध्यक्षतामा भएको हो ।
