सोलिड्यारिटीको निःशुल्क भर्ना अभियान
हेटौंडा-हेटौंडा उपमहानगरपालिका–१०, स्थित सोलिड्यारिटी इन्टरनेशनल एकेडेमी विद्यालयले आफ्नो स्थापना दिवसको अवसरमा पुस मसान्तसम्म प्ले ग्रुप र नर्सरी कक्षामा निशुल्क भर्ना अभियान चलाएको छ ।विगत तीन वर्षदेखि सुरु भएको अभियान यसवर्ष पनि कायमै रहेको विद्यालयको प्रिन्सिपल रीना आचार्यले जानकारी दिएकी छन् । विद्यालयले बिहीबार ३१ औँ स्थापना दिवस मनाएको छ ।
‘पुस १९ गतेदेखि पुस २९ गतेसम्म प्ले ग्रुप र नर्सरीमा भर्ना गर्नुभएका विद्यार्थीलाई निःशुल्क व्यवस्था गरेका छौँ ।’, विद्यालयका प्रिन्सिपल आचार्यले भनिन्, ‘विद्यालयको स्थापना दिवसको अवसरमा निःशुल्क भर्ना अभियान सञ्चालन गरेका हौँ ।’, गतवर्ष प्ले ग्रुप र नर्सरीमा५० जना विद्यार्थीले निःशुल्क भर्ना गरेको विद्यालयले जनाएको छ ।गतवर्षबाट सोलिड्यारिटी इन्टरनेशनल विद्यालयले कक्षा ११ र १२ मा वाणिज्य संकाय र होटल म्यानेजमेन्ट संकायमा अध्यापन गर्दै आइरहेको छ । विद्यालयमा करिव १हजार ६ सय विद्यार्थी अध्ययनरत रहेको विद्यालयकी प्रिसिन्पल आचार्यले जानकारी दिइन् ।
