नागस्वती भेट्रान्स रनिङशील्ड मंसिर पहिलो साताबाट
हेटौंडा- आगामी मंसिर ४ गतेदेखि हेटौंडामा तेस्रो नागस्वती भेट्रान्स रनिङशील्ड फुटबल प्रतियोगिता हुने भएको छ । हेटौंडा–७ मा रहेको नागस्वती भेट्रान्स क्लबकोआयोजनामा प्रतियोगिता हुन लागेको आयोजक संस्थाले शनिबार पत्रकार सम्मेलनमार्फत् जानकारी दिएको हो ।तेस्रो संस्करणको राष्ट्रिय रनिङ शील्ड फुटबल प्रतियोगितामा देशभरका १८ देखि २० वटा समूहको सहभागिता रहने आयोजक क्लबका अध्यक्ष सोमबहादुर तितुङले जानकारी दिएका छन् ।
प्रतियोगिताका बिजेतालाई २ लाख १ हजार र उपविजेतालाई १ लाख १ हजार नगद पुरस्कारसहित रनिङशील्ड प्रदान गरिनेछ ।यस्तै, प्रतियोगिताका विधागत पुरस्कार ५० हजार रुपैयाँ प्रदान गरिने अध्यक्ष तितुङले जानकारी दिए । हेटौंडा ७ मा रहेको नवज्योति माविको खेलमैदानमा हुने प्रतियोगिता सम्पन्न गर्न १९ लाख बढी खर्च लाग्ने अनुमान गरिएको अध्यक्ष तितुङले जानकारी दिए । प्रतियोगिता मंसिर ८ गतेसम्म हुनेछ ।
