व्यवसाय शुभारम्भको अबसरमा मामाघरलाई सहयोग
हेटौंडा-हेटौंडा उपमहानगरपालिका–२, स्थित मृगस्थलीमार्गमा द ठकुरी ब्रदर्श सञ्चालनमा आएको छ । ठकुरी ब्रदर्श खेलकुद तथा स्टेशनरी सामान थोक तथा खुद्रा बिक्री गर्ने उद्देश्यसहित बिहीबारबाट सञ्चालनमा आएको हो ।ब्रर्दशले ब्यवसाय शुभारम्भको अवसरमा हेटौंडा उपमहानगरपालिका–११ स्थित मामाघर नेपालका भान्जाहरुलाई खेलकुद तथा स्टेशनरी सामग्री सहयोग गरेको छ ।
बिहान एकछाक खाना समेत खुवाएको छ । मामाघर नेपालमा आश्रित सबै भान्जाहरुलाई एक–एक सेट खेलकुद तथा स्टेशनरी सामान वितरण गरिएको द ठकुरी ब्रदर्शका सञ्चालक अभिनाश मल्ल ठकुरीले जानकारी दिए । उनले सडक बालबालिकालाई आश्रय दिने हेटौंडाको मामाघरमा आएर आफ्नो व्यवसाय शुभारम्भ गर्न पाउँदा खुशी लागेको बताए । उनले यस व्यवसायको खुद नाफाको ५ प्रतिशत रकम समाजसेवाको लागि खर्च गर्ने घोषणा समेत गरे ।
