गाँजासहित दुईजना पक्राउ
हेटौंडा- मकवानपुर प्रहरीले अवैध लागूऔषध सहित हेटौंडाबाट बिहीबार बिहान दुईजनालाई पक्राउ गरेको छ । प्रहरीले हेटौंडा उपमहानगरपालिका–१० नारायणी मल नजिकबाट अवैध लागूऔषध गाँजा करिब १० किलो २७० ग्रामसहित दुईजनालाई पक्राउ गरेको हो ।पक्राउ पर्नेहरुमा कैलाश गाउँपालिका–५ भैराङ बस्ने ३० वर्षीया अंजली गोले र हेटौंडा उपमहानगरपालिका–३ बसामाडी बस्ने ५१ वर्षीया ज्ञानुमाया गोले रहेको प्रहरीले जनाएको छ । उनीहरुलाई जिल्ला प्रहरी कार्यालय मकवानपुरबाट खटिएको प्रहरीले पक्राउ गरेको हो । पक्राउ परेका उनीहरुमाथि आवश्यक अनुसन्धानका साथै कानूनी प्रक्रिया अगाडि बढाइएको छ ।
