१० केजी गाँजासहित दुईजना पक्राउ
हेटौंडा-जिल्ला प्रहरी कार्यालय मकवानपुरले हेटौंडा उपमहानगरपालिका–१५ रातोमाटे चोकपोष्टबाट १० केजी गाँजासहित २ जनालाई पक्राउ गरेको छ । रातोमाटे चोकपोष्टमा सवारीसाधन रोकी जाँच गर्ने क्रममा हेटौंडाबाट पथलैयातर्फ जाँदै गरेको बा. प्र. ०३–००१ ज ३०३ नम्बरको यात्रुवाहक इभी गाडीमा आएका मकवानपुर हेटौंडा–३ का ४६ वर्षीय कुमारसिं थिङ र ३४ वर्षीय धनबहादुर ब्लोनलाई १० केजी ८२० ग्राम गाँजासहित पक्राउ गरिएको हो ।
प्रहरीले उनीहरुले बोकेको झोला खानतलासी गर्दा गाँजा फेला पारेको हो । पक्राउ परेका दुवै जनालाई मकवानपुर जिल्ला अदालतबाट ७ दिनको म्याद थप अनुमति लिई अनुसन्धान कार्य गरिरहेको प्रहरीले जनाएको छ ।
