मउवा संघ निर्वाचनः अध्यक्षका उम्मेद्वार अग्रवालको प्यानल घोषणा
हेटौंडा- मकवानपुर उद्योग वाणिज्य संघ (मउवा संघ)को आसन्न निर्वाचनमा अध्यक्ष पदका उम्मेदवार अनिल अग्रवालले आफ्नो प्यानल घोषणा गरेका छन् ।सोमबार साँझ व्यवसायीहरुको भेलामा वर्तमान वरिष्ठ उपाध्यक्षसमेत रहेका अग्रवालले आफ्नो उम्मेदवारी घोषणासँगै सिंगो प्यानल सार्वजनिक गरेका छन् । संघमा वाणिज्य, उद्योग र एसोसिएट तर्फका उम्मेदवार छन् । संघको यस वर्ष २ हजार ९७ जना मतदाता रहेका छन् । यो संख्या अघिल्लो निर्वाचन भन्दा करिब ८ सयले कम हो ।
अग्रवालले आफ्नो टिम घोषणा कार्यक्रममा चर्चित गायक बद्री पंगेनीले आफ्नो सांगीतिक प्रस्तुती दिएका थिए । कार्यक्रममा संघका पूर्वअध्यक्षद्धय राजकुमार न्यौपाने, भूवनलाल श्रेष्ठ, भगिरथी शर्मा, वडा नम्बर–२ का वडा अध्यक्ष विष्णुगोपाल महर्जनलगायत संघमा आवद्ध विभिन्न वस्तुगत संघका अध्यक्षहरुको आतिथ्यता रहेको थियो ।
कुन पदमा कसको उम्मेदवारी ?
मउवा संघको अध्यक्षमा अनिल अग्रवाल, महासचिवमा विकेशलाल श्रेष्ठ, कोषाध्यक्षमा तेजराज अधिकारी, सह–कोषाध्यक्षमा राधिका सामरी पाण्डे उम्मेद्वार रहने छन् । वाणिज्यतर्फको उपाध्यक्षमा राजु अधिकारी, सचिवमा दिवस पराजुली र सदस्यमा रविन ढकाल, विष्णुप्रसाद दाहाल, बालकृष्ण बजगाई, यज्ञ बहादुर राई र महिला आरक्षणमा निलम पाण्डे रहेका छन् ।
एसोसिएटतर्फ उपाध्यक्षमा विष्णु खनालको मात्रै उम्मदवारी रहेको छ । उद्योगतर्फ उपाध्यक्षमा रवीन्द्र प्रसाद घिमिरे, सदस्यमा कृष्णगोपाल महर्जन, दीपक शिवाकोटी, गंगाकुमारी श्रेष्ठ, महिला आरक्षणमा मेनका श्रेष्ठ उम्मेद्वार हुने तय भएको छ । वस्तुगततर्फ उपाध्यक्षमा काव्यमणि अधिकारी, सचिवमा नेत्रप्रसाद खतिवडा र सदस्यमा शम्भु पुडासैनी छन् । यस्तै, अध्यक्षका अर्का उम्मेद्वार प्रमोद सिंह रानाभाटले आइतबार प्यानल घोषणा गरेका छन् ।
