बसको ठक्करबाट २ वर्षीया बालिकाको मृत्यु
हेटौंडा-मकवानपुरको मनहरी गाउँपालिका–६, नयाँबस्तीमा सवारी दुर्घटनामा परी दुई वर्षीया बालिकाको मृत्यु भएको छ । मृत्यु हुनेमा स्थानीय बहादुर थिङकी दुई वर्षीया छोरी पूजा थिङ रहेकी छिन् ।जिल्ला प्रहरी कार्यालय मकवानपुरका अनुसार आइतबार अपरान्ह मनहरी बजारबाट नयाँबस्तीतर्फ जाँदै गरेको मनहरी बिलिभर्स इङ्लिस बोर्डिङ स्कुलको ना १ क ९२५० नम्बरको बसले पूजालाई ठक्कर दिएको थियो ।
बालिकालाई उपचारका लागि हेटौंडा अस्पताल पठाइएको थियो । गम्भीर घाइते बालिकाको उपचारका क्रममा साँझ ५ बजे हेटौंडा अस्पतालले मृतघोषणा गरेको प्रहरीले जनाएको छ । ठक्कर दिने बस र बसका चालक चन्द्रबहादुर तामाङलाई प्रहरीले नियन्त्रणमा लिएको छ । दुर्घटनाबारे थप अनुसन्धान भइरहेको प्रहरीले जनाएको छ ।
यो पनि पढ्नुहोस्
