घरको बरगण्डामा महिला मृतफेला
हेटौंडा-हेटौंडा उपमहानगरपालिका–१ स्थित स्वर्गलोकमा महिला मृतअवस्थामा फेलापरेकी छिन् । सोमबार मध्यरातमा लिलामणि पौडेलको घरअगाडिको बरण्डामा एक महिला मृतअवस्थामा फेलापरेको प्रहरीले जनाएको छ ।महिला मृतफेला भन्ने खबरका आधारमा जिल्ला प्रहरी कार्यालयबाट प्रहरीनिरीक्षकको नेतृत्वमा गएको प्रहरीले अनुसन्धान गर्दा महिला मनहरी–३ हाँडीखोला घरभई हेटौंडाको बजार एरियामा कवाडीको काम गरी बेवारिसे हिसाबले बसोबास गरी हिड्ने अन्दाजी ४२ को बिनय ब्लोनको श्रीमती अन्दाजी ३७ वर्षीया सीता ब्लोन रहेको जनाइएको छ ।
मृत्युको कारण कालगतिले हो या अन्य हो भन्ने कुरा खुल्न बाँकी रहेको मकवानपुरका प्रहरीप्रवक्ता प्रहरी नायवउपरीक्षक श्यामु अर्यालले जनाएका छन् । मृतकको श्रीमान् घटना हुँदा सँगै रहेकोले घटनाको अनुसन्धान भइरहेको जनाइएको छ ।
