ओली पतनलाई बाबुरामद्वारा ‘भष्मासुरको वध’सँग तुलना, भनेः मेरो त रोगै निको भए झैं भो
काठमाडौं । पूर्वप्रधानमन्त्री बाबुराम भट्टराईले संसद विघटनका विरूद्धमा सर्वोच्च अदालतले गरेको फैसलाको स्वागत गरेका छन् । उपचारका क्रममा भारतमा रहेका भट्टराईले अदालतको निर्णयालाई हिन्दू मिथकको भष्मासुरलाई बिष्णुले मोहिनी रूप धारण गरेर वध गरे झैं रहेको बताएका हुन् ।
उनका अनुसार सर्वोच्च अदालतले नेपाली भष्मासुरको वध गरेर लोकतन्त्रको रक्षा गरेको खबर सुन्दा रोगै हराए झैं भो ।
उनले भने, “कस्तो सुखद संयोग ! अस्पतालमा आफ्नो स्वास्थ्य परीक्षणको प्रतिवेदन पर्खंदै गर्दा मनचाहिं देशभित्र सर्वोच्चको फैसलातिर थियो । फैसला सुन्दा रोग निको भए झैं भयो ।”
कस्तो सुखद संयोग!अस्पतालमा आफ्नो स्वास्थ्य परीक्षणको प्रतिवेदन पर्खदैगर्दा मनचाहिं देशभित्र सर्वोच्चको फैसलातिर थियो! हिन्दू मिथकको भष्मासुरलाई बिष्णुले मोहिनी रूप धारण गरेर वध गरे झैं सर्वोच्च अदालतले नेपाली भष्मासुरको वध गरेर लोकतन्त्रको रक्षा गरेको खबर सुन्दा रोगै हराए झैं भो! pic.twitter.com/1cYnCCxJRY
— Baburam Bhattarai (@brb1954) February 23, 2021
